АҞӘА, рашәара 13 - Sputnik. Гәдоуҭатәи араионтә усӡбарҭа ҩыџьа Аԥсны атәылауаа Ҭамаз Бебиеи Бадра Аԥшьлааи 16 шықәса аҭакра рықәырҵеит. Абри атәы аанацҳауеит Аԥсны апрокуратура хада асаит.
Иара убас, дара аҳәынҭкарра ахашәалахь 700 нызқь мааҭ ахараԥса дыршәахоит.
Бебиеи Аԥшьлааи закәаншьаҭада мҽхакы ҭбаала анаркотикатә маҭәашьарқәа аҵәахреи аныҟәгареи рзы ахара рыдырҵоит - 5,397 грамм аметадон, 4,948 грамм амефедрон.
Ҭамаз Бебиа иду ахара зегьы дақәшаҳаҭхеит.
Бебиеи Аԥшьлааи рхарадҵа азинмч аиуаанӡа ацәгьоура рхарам ҳәа иԥхьаӡоуп.