Аҳауа аҭагылазаашьа акырӡа аҽаԥсахит, аха бжьаратәла акырӡа иҭашәынтәаланы иҟоу ҭыԥ дгьылуп Аԥсны Урыстәыла иаҿырԥшны ҳахәаԥшуазар ҳәа азгәеиҭеит аиҿцәажәараҿы Барцыц.
"Аԥсны аҳауа аҽеиҭакра иҟало инарҭбааны аҭҵаара аҭахуп. Уи бжьажьны иҳамоуп. Уаанӡа аҳауеи аӡқәеи гәаӡҭо 27 станциа ыҟан, иахьа акызаҵәык ауп аус зуа. Аԥсабара аҽеиҭанакуеит, убри аан ҳаргьы иҳармаҷит агәаҭарақәа", - ҳәа иҳәеит Барцыц.
Аҵарауаҩ иазгәеиҭеит, амашәыр иахәҭам аргыларақәа ирхылҿиаар шалшо.
"Уаанӡа аҩны дыргылома, амҩа ҟарҵома адгьыли аӡқәа рцашьеи ҭырҵаауан, иахьа акәара хәыҷқәа ииасуаз хаҳҩеит, аӡымҩангагақәа ҳаршьаҟьеит. Адгьыл ахьҳәазо аҭыԥқәа рҿы аргыларақәа ҳарҿуп. Амшын даара аҽарҭынчны иҟоуп, уи иаҳа узыршәаша ҭагылазаашьоуп. Лассы-лассы ацәқәырԥақәа аныҟоу амч аҽаҟьоит, аха амцхә ианҭынчу даҽа цәырҵрак ҟанаҵар алшоит", – иҳәеит Барцыц.
Гагратәи ахҭыс ауаҩы ихарала иҟалаз акоуп, аԥсабара азакәанқәа ирықәныҟәалатәуп ҳәа инаҵишьит аҵарауаҩ.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.