АҞӘА, рашәара 14 – Sputnik. Аԥсны адәныҟатәи аусқәа рминистр Инал Арӡынба Петербург дырԥылеит Урыстәыла аусеицуразы ахаҭарнак ҷыда Лауреано Ортега Мурильо зхадараҿы дыҟаз Никарагуантәи аделегациа. Абри атәы аанацҳауеит Адәныҟатәи аусқәа рминистрра Амедиацентр.
Аганқәа алацәажәеит, ахәҳаахәҭра-економикатә еизыҟазаашьақәеи аинформациатә политика ахырхарҭалеи аусеицура апҳьаҟатәи аԥеиԥш.
Иара убасгьы, аганқәа ирҳәеит Аԥсны-Никарагуа амедиаеиҿкаара аԥҵара шхымԥадатәиу.
XXVI Петербургтәи жәларбжьаратәи аекономикатә форум мҩаԥысуеит рашәара 14-17 рзы Петербург ақалақь аҟны. Уи рхы аладырхәоит Аԥсны Жәлар Реизара аиҳабы Лаша Ашәба зхадараҿы дыҟоу гәыԥҩык адепутатцәеи, аԥыза-министр, аекономика аминистр Кристина Озгани, афинансқәа рминистр Владимир Делбеи.