АҞӘА, рашәара 17 - Sputnik. Донбасс иҭахаз Витали Багдасариан аҵыхәтәантәи имҩахь днаскьаргеит рашәара 17 рзы.
Атәылахьчара ишаанацҳауала, Аԥсны ииз Багдасариан дҭахеит Артиомовск ақалақь аҟны иуалԥшьа шынаигӡоз лаҵара 9 рзы.
Аибашьҩы иԥсыбаҩ Аԥсныҟа иааган рашәара 16 рзы.
Иара убас рашәара 18 рзы, Москва аҵыхәтәантәи имҩахь днаскьаргоит Донбасс иҭахаз ҳтәылауаҩ Леван Ешба, абри атәы Sputnik акорреспондент изеиҭарҳәеит уи иҭынхацәа.
Ешба хатәгәаԥхарала Донбассҟа еибашьра дцеит аамз раԥхьа. Рашәара 7 рзы Запорожтәи аобласт анхарҭаҭыԥ Токмак араион аҟны дҭахеит.