АҞӘА, рашәара 23 - Sputnik, Асмаҭ Ҵәыџьԥҳа. Акруизтә лаинер"Князь Владимир" аҟәатәи абаӷәаза ԥышәарак аҳасабала иҭалеит рашәара 23 рзы.
Сынтәа аӷба ныҟәалоит Шәача-Аҟәа-Шәача амаршрут ала. Акруиз хәымш имҩаԥысуеит, хымш Аҟәа абаӷәазаҿы игылазаауеит. Зынӡа еиҿкаахоит 11 круиз рашәара 29 инаркны цәыббра 11 рҟынӡа.
Акруизтә лаинер "Князь Владимир" 600-700-ҩык апассаџьырцәа ныҟәнагоит. "Аԥснытәи амшынӷбарныҟәара" адиректор Даур Арӡынба иажәақәа рыла, аԥышәаратә реис аан иара иаанагеит 54 пассаџьыр – аекскурсиатә хырхарҭақәа ҭызҵаауеи, атуристтә еилахәырақәа рхаҭарнакцәеи, 96-ҩык аекипажи.
Аӷба абаӷәазаҟны рашәара 24 рҟынӡа игылазаауеит. Анаҩстәи ареис хымш игылоит. Арӡынба ишиҳәаз ала, аӷба Аԥсныҟа аныҟәара азгәаҭан 2020 шықәсазгьы, аха аҿкчымазаратә ԥкрақәа ирхырҟьаны иаанкылан.
Арӡынба иазгәеиҭеит, апандемиа ашьҭахьгьы аамҭаԥҵәатә усурақәа мҩаԥгатәын, урҭ 2022 шықәсазоуп ианхыркәшаха ҳәа.