АҞӘА, рашәара 24 - Sputnik. Аԥсны атәылахьчара аминистрра, Ашәарҭадаратә маҵзура, Аҩнуҵҟатәи аусқәа рминистрра, Аҭагылазаашьа ҷыдақәа рминистрра русзуҩцәа русура еиҳа идырӷәӷәеит. Абри атәы аанацҳауеит Аԥсны ахада ипресс-маҵзура.
АШәМ аҳәаақәа рҟны аҭагылазаашьа ахылаԥшра анапы ианҵоуп, хылаԥшра арҭоит аҵыкы ӷәӷәа змоу ахыбрақәа, иара убас АШәМ аусзуҩцәеи, Атәылахьчара аминистрреи Гәдоуҭа иҟоу абыжьбатәи арратә база ахаҭарнакцәеи аимадара рыбжьазаауеит.
Аԥсны аҩнуҵҟатәи аусқәа рминистрра ауаажәларра ршәарҭадара хылаԥшра арҭалоит. Аԥсны АҶА аиҳабыреи арратә аоперациа ҷыда ахьымҩаԥысуа иҟоу ҳтәылауааи дареи еимадоуп. Адәныҟатәи аусқәа ацхыраара рырҭоит Аладатәи Аофедералтә округ аҟны иҟоу астудентцәеи егьырҭ ҳтәылауааи.
Аԥсны ахада ихаҭыԥуаҩ Бадра Гәынба агәыӷра аарԥшит Урыстәыла иҟоу аҭагылазаашьа закәанла иҭышәынтәалахап ҳәа.
Амчратә усбарҭақәа рхадацәа ахада ихаҭыԥуаҩ Бадра Гәынба имҩаԥигаз аилатәараҟны ирҳәеит, атәыла аҩнуҵҟа аҭагылазаашьа шҭышәынтәалоу, уи ахьчара хадароуп иҳәеит иара. Аԥсны АҶА ахада Лев Кәыҵниа иажәақәа рыла, "Вагнер" ҳтәылауаа рҟынтәи аӡәгьы далаӡам.