АҞӘА, рашәара 29 - Sputnik. Аԥсны адәныҟатәи аусқәа рминистр Инал Арӡынба Ҭырқәтәыла Аԥсны ахьыԥшымра азханаҵаразы иҟоу алшарақәа дрылацәажәеит апартиа "Аԥсадгьыл" (Vatan Partisi - аред.) ахантәаҩы Догу Перинчеки иареи реиԥылараан. Абри атәы аанацҳауеит ААР Амедиацентр.
"Ҭырқәтәыла Аԥсны ахьыԥшымра азханаҵара - еицаҳзеиԥшу хықәкуп. Агәра шәсыргәоит, уи хара имгакәа ишалыршахо",- иҳәеит Перинчек.
Уи адагьы, аганқәа аиԥылараҟны иалацәажәеит Аԥсни Аҩада Кипри русеицура аҿиара, иара убас Урыстәыла Украина имҩаԥнаго аоперациа ҷыда, Перинчек иажәақәа рыла, ҭырқәтәылауаа реиҳараҩык уи иадгылоит.