АҞӘА, рашәара 30 - Sputnik. Аԥсны адәныҟатәи аусқәа рминистр Инал Арӡынбеи Ҭырқәтәыла амилаҭтә еизара Ду адепутат Талих Ҳәатышьи Ҭырқәтәыла инхо ҳџьынџьуаа реинырра атәы иалацәажәеит. Абри атәы аанацҳауеит Аԥсны ААР Амедиацентр.
"Инал Арӡынба иазгәеиҭеит Ҭырқәтәыла Апарламент аҿы Аԥсны азхаҵареи жәларбжьаратәи аимадарақәеи рзы аусура хра аманы ишыҟоу. Ҳаҭыр зқәу Ҳәатышь ари аԥшьгамҭа дшадгыло иҳәеит, иазгәеиҭеит, асеиԥш иҟоу аусқәа рынагӡаразы илшо зегь шыҟаиҵало", - аҳәоит адырраҭараҿы.
Аиԥылараан Аԥсны адәныҟатәи аусқәа рминистр Инал Арӡынба инаҵшьны иазгәеиҭеит, Аԥсны иадҳәало ауснагӡатәқәа Ҭырқәтәыла рымҩаԥгара ареспублика ахьӡ аларҵәаразы ишхәарҭа дуу.
Уи адагьы Арӡынба даҭааит сынтәа Сақариа иаадыртраны иҟоу аԥсуа культуратә центр "Адаԥазар", аԥсуа-адыгақәа реиланхарҭақәа - Тагурак, Ихсани, Қаиалар реиԥш иҟоу жәпакы дырҭааит.