АҞӘА, ԥхынгәы 5 – Sputnik, Асмаҭ Ҵәыџьԥҳа. Апарламент аҟны аҵыхәтәантәи аԥхьарала ирыдыркылеит "Акцизқәа рзы" азакәан.
Адокумент инақәыршәаны акцизқәа зықәҵатәу тауарны ишьоуп:
арыжәтә аалыҵ (аетилтә сԥирҭ 0,5% еиҳамкәа излоу);
Арыжәтә џьбара – аетилтә сԥирҭ ахархәарала ма ахархәарада афатә аӡеи (ма) асԥирҭ злоу афатә аӡеи злоу аалыҵ, иазырхиоу аалыҵ аҿы аетилтә сԥирҭ 0,5% еиҳам.
Арахь иаҵанакуеит асԥирҭтә рыжәтәқәа (ауатка, акониак, ажьаӷьуатка, бренди, виски), аҩы, ирџьбароу аҩы, еилашуа аҩы (шампанское), ажь иалху арыжәтәқәа, аргәыц иалху аалыҵ, ауараш ашьаҭала аргәыц иалху арыжәтә џьбарақәа (сидр, пуаре, медовуха).
аҭаҭын аалыҵ;
Аҭаҭын аалыҵ – ахархәаратә ҭра иҭоу аҭаҭын аалыҵ.
Амышҭықә иҭарҵо, изахо, иржаҳәо, ирцәацәо, изфыҩуа, акалиан иҭарҵо аҭаҭын, асигара, сигарилла (асигарит), биди, кретек, асигарет, апапирос.
аникотин аазышьҭуа аелектронтә системақәа, аҭаҭын арԥхаразы ахархәагақәа;
Аникотин аерозоль ахь иаазышьҭуа аелектронтә системақәа, аҭҭын арԥхаразы ахархәагақәа, иара убасгьы аҭҭын абылрада рԥхарала ахылҩаԥсылҩа ҟазҵо ахархәагақәа.
аникотин аазышьҭуа аелектронтә системақәа рзы аӡшьарқәа;
Иарбан ӡшьаразаалак - 0,1 мг ма 5 мланикотин злоу.
хәызмоу ахаҳәқәеи аметалли ирылху ахьиратә лыхымҭақәа.