АҞӘА, ԥхынгәы 6 - Sputnik. Ҩ-тәылауаҩрак амазааразы Аԥсни Урыстәылеи рыбжьара Аиқәшаҳаҭра ҩ-ганктәи аизыҟазаашьақәа рҿы Аԥсны иҷыдоу аҟазшьа анаҭоит ҳәа ахиҳәааит Аԥсны адәныҟатәи аусқәа рминистр Инал Арӡынба адокумент амчра аҭара аус азы.
Аминистр иажәақәа рыла, Аиқәшаҳаҭра даҽазныкгьы иарҵабыргуеит аҩ-тәылак риашьаратә еизыҟазаашьақәеи реиҿцәажәарақәеи рыҩаӡара аҳаракыра.
"Ҩ-тәылауаҩрак амазааразы Аԥсни Урыстәылеи рыбжьара Аиқәшаҳаҭра - ухы уақәиҭны аныҟәароуп, асоциалтә хәдықәҵарақәа роуроуп, агәабзиарахьчара, аҵара русхк аҟны азҵаарақәа рыӡбароуп, арратә маҵзурахысра азхаҵароуп", - ҳәа иҳәеит Арӡынба.
Иара иҳәеит хара имгакәа Владимир Путин Аԥсны атәылауаа урыстәылатәи атәылауаҩра ирмарианы роуразы адҵа инапы аҵеҩраны дшыҟоу. Аминистр иазгәеиҭеит ари аусура алшара шаиуз Аԥсни Урыстәылеи рхадацәа Аслан Бжьаниеи Владимир Путини реицыӡбарала.