АҞӘА, ԥхынгәы 7 – Sputnik, Сариа Кәарцхьиаԥҳа. Гәылрыԥшь араион аӡиас Ԥарнауҭ аӡыршьҭра дрыцқьоит.
Араион ахада ихаҭыԥуаҩ Беслан Ҵнариа иажәақәа рыла, Акурорт мҩаду ауааԥсыра аҭыԥантәи анапхгара рахь ашәҟәы рҩит ацхыраара рырҭарц.
"Ари кәараҷҷоуп, аха амшцәгьақәа раан алеишәа арцәгьоит, анхамҩақәа ирыҵалоит. Ари амҩаҿы 68 нхара ыҟоуп, урҭ рҟынтәи 25 ҭаацәара еснагь ашәарҭара иҭанаргылоит. Аофициалтә арзаҳал анҳау ашьҭахь, анапхгара рҟынӡа инаагеит. Урҭ адгылара ҳарҭеит. Иаздырхиеит ахарџьынҵа аусурақәа рымҩаԥгаразы. Ахарџьынҵа аекспертиза иахрыжьит, аԥаразоужьразгьы аӡбара рыдыркылеит", – иҳәеит Ҵнариа.
Аӡыршьҭра арыцқьараз атәыла ахада ирезервтә фонд аҟынтәи иазоужьуп х-миллион мааҭк инареиҳаны.
Асеиԥш иҟоу аусурақәа ԥшьышықәса рахь знык имҩаԥгалатәуп. Ҵнариа ишиҳәо ала, еснагь ахылаԥшра ахәҭоуп.