АҞӘА, ԥхынгәы 12 – Sputnik. Аԥсны Адәныҟатәи аусқәа рминистрра аусзуҩцәа Евразиа атәылақәа рҟынтә адипломатцәа ҿарацәа VIII Рфорум "Ахырхарҭарацәатә дунеи ҿыц адипломатиа" рхы аладырхәит Ареспублика Алтаи аҿы ҳәа аанацҳауеит аусбарҭа Амедиацентр.
Афорум аҳәаақәа ирҭагӡаны имҩаԥысит аԥсуа-аурыс еиԥыларақәа, аиҿцәажәарақәа. Уаҟа ҩ-тәылак рдипломатцәа ҿарацәа агәаанагарақәа еимырдеит русуразы.
Афорум "Ахырхарҭарацәатә дунеи ҿыц адипломатиа" мҩаԥысуеит афестиваль "Манжрок" аҳәаақәа ирҭагӡаны, Алтаи. Сынтәа иара асанкциақәа раамҭазтәи ахырхарҭарацәара атема иазкуп. Иара аус ауеит ԥхынгәы 14 рҟынӡа. Афорум иалахәуп Аԥсны, Урыстәыла, Ермантәыла, Белоруссиа, Ҟазахстан, Киргизиа, Китаи, Молдавиа, Монголиа, Шьамтәыла, Таџьикистан, Узбекистан, Аахыҵ Уаԥстәыла рҟынтәи 80-ҩык адипломатцәа ҿарацәа.