АҞӘА, ԥхынгәы 14 - Sputnik. Аԥсни Никарагуеи Амедиаеиҿкаарақәа реидгыла аԥҵаразы аусура иалагеит ҳәа аанацҳауеит ААР Амедиацентр.
Адәныҟаполитикатә усбарҭа аиҳабы Инал Арӡынба иажәақәа рыла, амедиаеиҿкаара аԥҵара хықәкыс иамоу - Америка аҿагылареи ахырхарҭарацәатә дунеи аиҿкаара аидеиеи шьаҭас измоу аинформациатә усеицуреи роуп.
"Ҳҩыза (Даниель Едмундо Ортега Мурильо - аред. азгә.) иара убасгьы никарагуатәи ҳколлегацәа аинформациа рысҭеит Еиду аштатқәа иҟарҵо шшантажу, жәларбжьаратәи азинқәа шеиланаго, Аԥсни иара апартниорцәеи реизыҟазаашьа анырра аҭара ишазырхоу. Агәра ганы ҳаҟоуп ихшыҩдароу ари аус алҵшәа шамаиоуа", - ҳәа иҳәеит Арӡынба.
Аминистр агәыӷра ааирԥшит адунеитә еилазаара аҟынӡа анагара рылшап ҳәа ажәларқәа рзинқәа, ркультурақәа, рҷыдарақәа ҳаҭыр рықәҵара иазырхоу ридеалқәа.