АҞӘА, ԥхынгәы 15 - Sputnik. Уахыки-ҽнаки рыҩнуҵҟа урыстәылатәи Аҳауаҽацәыхьчаратә мчқәа аԥырҩы дызҭам ахархәагақәа 14 карыжьит, абри атәы аанацҳауеит Урыстәыла Атәылахьчара аминистрра.
Уи адагьы, икажьын аицҭырҟьаратә система HIMARS-и "Ураган-и" рреактив хгәыцәқәа жәба.
Аоператив-тактикатә авиациеи, аракетатә ари, артиллериеи ааха рырҭеит артиллериатә ҟәшақәа 89, 112 раион рҿы иҭадырхеит аибашьцәеи атехникеи.
Купиансктәи ахырхарҭаҿы аӷа ицәыӡит 20-ҩык аибашьцәа, автомашьынақәа 2, агаубицақәа Д-20.
Херсонтәи ахырхарҭаҿы иҭархоуп УАМ аибашьцәа 70-ҩык, хә-автомашьынак, агаубица "Мста-Б", артиллериатә система М777 (ЕАА), агаубицақәа "Д-30".
Алада-Донецктәи ахырхарҭаҿы УАМ ажәыларақәа жәаф аԥырҟәҟәаауп. Запорожиатәи ахырхарҭаҿы Киев иацәыӡит 280-ҩык аибашьцәа, танкк, аршьаҟауаа рмашьынақәа ԥшьба, акәылӡмашьынақәа ԥшьба, автомашьынақәа хԥа, ҩ-гаубицак "Мста-Б", УАМ амеханизациа зызуу 47-тәи абригада аџьаԥҳанышьҭаҵарҭа.