АҞӘА, ԥхынгәы 15 – Sputnik. Урыстәылатәи амчрақәа Донецктәи ахырхарҭаҿы Киев имҩаԥнагаз ажәыларақәа аԥдырҟәҟәааит, абри атәы аанацҳауеит Урыстәыла Атәылахьчара аминистрра.
Ажәыларақәа раан иҭархан 315-ҩык украинатәи аибашьцәа, акәылӡымашьынақәа ҩба, апикапқәа хԥа, агаубица "Д-30".
Красно-Лимантәи ахырхарҭаҿы ҩ-жәыларак аԥдырҟәҟәааит, адиверсиатә гәыԥк ҭархан. Уахыки-ҽнаки рыла Киев иацәыӡит 70-ҩык, акәылӡымашьынақәа ҩба, апикапқәа хԥа, агаубица "Д-20", аџьаԥҳанышьҭаҵарҭақәа.
Алада-Донецктәи ахырхарҭаҿы иҭархан аԥшыхәра-жәыларатә гәыԥ. Даҽа гәыԥк ҭархан Запорожтәи ахырхарҭаҿы. Арҭ араионқәа рҟны УАМ иацәыӡит 210-ҩык аибашьцәа, акәылӡымашьынақәа хәба, ҩ-машьынак, агаубицақәа ҩба "Д-30", "Д-20".
Купиантәи ахырхарҭаҿы УАМ иацәыӡит 20-ҩык аибашьцәа, акәылӡымашьынақәа ҩба, х-машьынак, агаубица "Д-20", ахаланыҟәагатә артиллериатә шьақәгыла "Гвоздика". Херсонтәи ахырхарҭаҿы- 30-ҩык асолдатцәа, х-машьынак, агаубица "Мста-Б", ахаланыҟәагатә артиллериатә шьақәгыла "Акация".
Уахыки-ҽнаки рыҩнуҵҟа урыстәылатәи аҳауаҽацәыхьчаратә мчқәа аԥырҩы дызҭам ахархәагақәа фба карыжьит. Уи адагьы, икажьын аицҭырҟьаратә система HIMARS ареактив хгәыцәқәа хԥа.