Аинформациатә маҵзуреи арадиои Sputnik Аԥсны иазнархиеит ареспубликаҿы имҩаԥысраны иҟоу атеатртә қәгыларақәа, афилармониатәи аестрадатәи концертқәа, ацәыргақәҵа уҳәа егьырҭ ауснанагӡатәқәа рафиша.
Сариа Кәарцхьиаԥҳа, Sputnik
Ҳазҭалаз амчыбжь акультуратә хҭысла ибеиоуп. Ацәыргақәҵатә зал хада аҭааҩцәа ирбар рылшоит аԥсуа сахьаҭыхыҩ Виссарион Ҵәыџьба ицәыргақәҵа "Ашьхарахь амҩа". Иара ԥхынгәы 11 рзы иаартын, ихыркәшахоит ԥхынгәы 22 рзы.
Ԥхынгәы 19 рзы Аҟәатәи абаа аҵакыраҟны ацәыргақәҵа "Фотомозаика: Абхазия в позднесоветский период" аартхоит. Аҭааҩцәа рзы аус аулоит асааҭ 11 инаркны 17-нӡа.
РУСДРАМ аҿы ԥхынгәы 18 асааҭ 19:00 рзы иддырбоит Фазиль Искандер иҩымҭала иқәыргылоу аспектакль "Софичка".
Ԥхынгәы 19 - 20 асааҭ 19:00 рзы - "Абырг Хабыгә игәыжь ажәабжь".
Ԥхынгәы 21 асааҭ 19:00 рзы - "Ишьаарҵәыроу ачара".
Ԥхынгәы 22 асааҭ 19:00 - "Ахаҵа ԥшӡа".
Ԥхынгәы 23 асааҭ 19:00 - "Електра".
Ԥхынгәы 19 асааҭ 19:00 рзы Аҿар ртеатр иддырбоит аспектакль “Ауаажәлар ирылахәу асиниор”.
Аԥсны араионқәа ркультуратә ԥсҭазаара
Ҩ-концертк азԥхьагәаҭоуп Пицундатәи ауахәамаҿы: ԥхынгәы 19 асааҭ 17:00 рзы иқәгылоит Аҳәынҭқарратә хортә капелла. Ԥхынгәы 22 асааҭ 17:00 рзы – Аԥснытәи аҳәынҭфилармониа артистцәа рконцерт.
Аԥсны мрагыларатәи ахәҭаҟны акультуратә хҭысқәа рацәамзаргьы, ауааԥсыра зырлахҿыхша ҟалоит, убас ԥхынгәы 19 асааҭ 17:00 рзы Гал акультуратә ҩнаҟны имҩаԥысуеит Ашәаҳәареи акәашареи зҽаԥсазтәыз Аԥсны аҳәынҭқарратә ансамбль аконцерт. Аҩналара хәыда-ԥсадоуп.