АҞӘА, ԥхынгәы 21 - Sputnik. Аԥсни Никарагуеи 2023 шықәсазтәи ауснагӡатәқәа Рыпрограмма рнапы аҵарҩит.
Адокумент абарҭ аусхкқәа рҟны аусеицура азыԥхьагәанаҭоит:
акультуры,
аспорт,
аҵарадырра,
аҿартә политика.
Апрограмма рнапы аҵарҩит Аԥсны Аԥыза-министр актәи ихаҭыԥуаҩ, ақыҭанхамҩа аминистр Беслан Џьопуеи, Никарагуа адәныҟатәи аусқәа рминистр Денис Монкада Колиндреси.
Аԥсни Никарагуеи 2023 шықәсазтәи ауснагӡатәқәа Рыпрограмма рнапы аҵарҩит
© Foto / Медиацентр МИД Абхазии
Аԥснытәи аделегациа алахәылацәа - Аԥсны Аԥыза-министр актәи ихаҭыԥуаҩ, ақыҭанхамҩа аминистр Беслан Џьопуеи, Аԥсны адәныҟатәи аусқәа рминистр ихаҭыԥуаҩ Иракли Ҭыжәбеи аҭыԥантәи АИХқәа аинтервиу рырҭеит. Дара еиҭарҳәеит Аԥсни Никарагуеи ҩ-ганктәи русеицуразы аԥеиԥшқәа ртәы.