АҞӘА, ԥхынгәы 21 – Sputnik. Аԥснытәи аҳәынҭқарратә университет ҽынлатәи алатәаратә ҟәшақәа рахь абитуриентцәа рыдкылара-цҵа шымҩаԥгахо рыланаҳәеит ԥхынгәы 27 нӡа, абри атәы Sputnik иазеиҭеиҳәеит ААУ аинформациеи амедиакоммуникациақәеи рыҟәша анапхгаҩы Алхас Чхамалиа.
Адокументқәа рыдыркылоит аматематика, афизика, абиологиа, абнанхамҩа, аурыс филологиа, аиҭагара атеориеи акультурабжьаратә коммуникациеи, агробизнес аҿы агроинженериа/атехникатә системақәа рфакультетқәа рахь.
Алхас Чхамалиа иажәақәа рыла, адокументқәа рыдкылара-цҵа иаабац практикоуп, ирацәамкәа ашәҟәқәа ахьалаҵоу афакультетқәа еиҳаны абитуриентцәа радԥхьалароуп иззырхо.
Иара иҳәеит зынӡа 654-ҩык ашәҟәқәа шаларҵаз, урҭ рҟынтәи 633-ҩык абакалавриат апрограммахь, 18-ҩык – амагистратурахь, хҩык аҩбатәи азанааҭ аиуразы. Абитуриентцәа реиҳараҩык иалырхуеит аекономика, аиуриспруденциа, афилологиа, аҭоурых.
Сынтәа адокументқәа рыдыркылон 38 занааҭи хырхарҭеи рахь, иара убасгьы амагистратура апрограммала. Ааԥынразы имҩаԥгаз аолимпиада алҵшәақәа рыла 121-ы ирылшон ԥышәарада ААУ аҭалара, урҭ рҟынтәи 96-ҩык рдокументқәа аларҵеит.