АҞӘА, ԥхынгәы 21 - Sputnik. Мраҭашәаратәи акураторцәа иааҟәымҵӡакәа зыӡбахә рҳәоз Киев аконтржәылара алҵшәақәа ргәы ацәкаҳаны иҟоуп, абри азы аҳәамҭа ҟаиҵеит Урыстәыла ахада Владимир Путин.
"Иахьа иумбарц залшом Мраҭашәаратәи акураторцәа иааҟәымҵӡакәа зыӡбахә рҳәоз Киев аконтржәылара алҵшәақәа ргәы ацәкаҳаны ишыҟоу", - иҳәеит Владимир Путин Урыстәыла ашәарҭадаратә хеилак аоперативтә еилацәажәараҟны.
Урыстәыла ахада иазгәеиҭеит аконтржәылара лҵшәадоуп, УАМ арратә еиҿкаарақәа ракәзар рцәыӡқәа рацәоуп, абџьар шьҭызхырц зҭаху рыԥшаара уадаҩхеит ҳәа. Иҳәеит афронт ахь ауаа рышьҭра киевтәи арежим азы еиҳа-еиҳа иуадаҩхоит ҳәа.
Украина ауааԥсыра ргәаанагарақәа ракәзар ашьшьыҳәа аҽыԥсахра иаҿуп, араҟа Европа еиԥш, рыхшыҩ рхаҿы иааиуа иалагеит ҳәа иҳәеит Путин.