АҞӘА, ԥхынгәы 22 - Sputnik. Аԥсны аҩнуҵҟатәи аусқәа рминистрра аӡбарҭақәа рахь зинда апассаџьырцәа мҩанызгоз арныҟәцаҩцәа рганахьала 34 материал нанашьҭит. Абри атәы аанацҳауеит аусбарҭа апресс-маҵзура.
Иара убас атуризм аминистрреи дареи иаадырԥшит атуристтә хырхарҭаҟны аилагарақәа-аекскурсиа амҩаԥгаразы аттестациа иахымсыз, аршаҳаҭгақәа змамыз агидцәеи, аекскурсиа амҩаԥгаҩцәеи.
Амилициа аусзуҩцәа атуристтә хырхарҭақәа рыла апассаџьырцәа мҩанызго амашьынарныҟәцаҩцәа ргәаҭарақәа ирыцарҵоит.