АҞӘА, ԥхынгәы 22 - Sputnik. Аԥсны аԥыза-министр ихаҭыԥуаҩ Беслан Џьопуа зхадараҿы дыҟоу Аԥсны аделегациа алахәылацәа Никарагуа русутә ныҟәара хдыркәшеит, абри атәы аанацҳауеит ААР Амедиацентр.
"Аԥснытәи аделегациа рыҟазаара иалагӡаны иазгәаҭоуп еиуеиԥшым ахырхарҭақәа рыла аҳәынҭқаррабжьаратә усеицура",- аҳәоит адырраҭараҟны.
Ԥхынгәы 21 рзы Аԥсны Аԥыза-министр актәи ихаҭыԥуаҩ, ақыҭанхамҩа аминистр Беслан Џьопуеи, Никарагуа адәныҟатәи аусқәа рминистр Денис Монкада Колиндреси Аԥсни Никарагуеи 2023 шықәсазтәи ауснагӡатәқәа Рыпрограмма рнапы аҵарҩит.
Адокумент абарҭ аусхкқәа рҟны аусеицура азыԥхьагәанаҭоит:
акультуры,
аспорт,
аҵарадырра,
аҿартә политика.
Аԥснытәи аделегациа Никарагуа иаҭааит ԥхынгәы 18 рзы Асандинисттә револиуциа 44 шықәса ахыҵра азгәаҭара алахәхаразы.