АҞӘА, ԥхынгәы 22 - Sputnik. РИА Новости арратә корреспондент Ростислав Журавлиов арратә операциа ҷыда ахьымҩаԥысуа дҭахеит.
Иара убас ахәра иоуит РИА Новости афотокорреспондент Константин Михальчевски.
Атәылахьчара аминистрраҟны ишырҳәаз ала, ԥхынгәы 22 асааҭ 12:00 рзы РИА Новости, "Известие" ажурналистцәа ахьтәаз аҭыԥ иалахысит украинатәи артиллериатә хәҭақәа. Еиуеиԥшым ахәрақәа роуит ԥшьҩык ажурналистцәа.
"Ахәрақәа зауз ажурналистцәа атәылахьчара иатәу амедусбарҭақәа рахь инаган, иахәҭаз ацхыраара рыҭан. Иоуз ахәрақәа ирыхҟьаны иԥсҭаазара далҵит РИА Новости арратә корреспондент Ростислав Журавлиов",- рҳәеит атәылахьчара аминистрраҟны.
РИА Новости арратә корреспондент Ростислав Журавлиов аԥышәа ду змаз журналистын, ишәарҭыз аҭыԥқәа рҟны аус иуан, уаантәи ииашоу аинформациа ауаа рҟынӡа инеигон, игәалашәара есымша иҳацзаауеит иҳәеит амедиагәыԥ "Россия сегодня" ахада Дмитри Киселиов.