АҞӘА, ԥхынгәы 22 - Sputnik. Урыстәыла Украина қьырала еибашьуа аҳәаанырцәуаа ртәарҭа ԥыржәеит Львов, абри атәы аанацҳауеит Урыстәыла атәылахьчара аминистрра.
Ишьақәырӷәӷәоу адыррақәа рыла, ԥхынгәы 6 рзы икылкааны ихысуа абџьар ала Львов итәаз қьырала еибашьуаз анемеццәеи аполиакцәеи рыла ишьақәгылаз агәыԥ ртәарҭа ԥыржәеит", - рҳәеит аусбарҭаҟны.
Арратә операциа ҷыда цонаҵы зынӡа урыстәылатәи аруаа иҭадырхахьеит 4990-ҩык аҳәаанырцәынтәи аибашьцәа. Даҽа 4910 Украина аҵакыра аанрыжьит.
"Урыстәылатәи Арбџьармчқәа Украина иҟоу аҳәаанырцәтәи аибашьцәа хықәкыла рнырҵәаразы рус иацырҵоит", - рҳәеит атәылахьчара аминистрраҟны.