АҞӘА, ԥхынгәы 27 – Sputnik. Аҟәа шықәсыбжактәи алашараз ауал 200 миллион мааҭ ыҟоуп, абри атәы иҳәеит аҳҭнықалақь ахада Беслан Ешба.
Ешба иажәақәа рыла, фымз ирылагӡаны афымца ахархәаразы 308,5 млн мааҭ ахыԥхьаӡалан, ишәоуп 105,7 млн мааҭ. Бжьаратәла аизгақәа 35% иартәоит.
Аиуристтә хаҿқәа шықәсыбжак иалагӡаны 77,4 млн мааҭ ахырыԥхьаӡалеит, иахшәаауп 58,9 млн мааҭ, бжьаратәла аизгақәа 77% артәоит. Ауаҩытәыҩсатә хаҿқәа -231,1 млн мааҭ, иахшәаауп 46,7 млн мааҭ, бжьаратәла аизгақәа 22% иартәоит.
Ҳазҭоу ашықәс рашәарамзазы афымца ахархәаразы аԥареизгара 61% иартәеит (аиуристтә хаҿқәа-99%, ауаҩытәыҩсатә хаҿқәа - 42%).
2023 шықәса фымз рыҩнуҵҟа алашара ахархәара 271 млн 999 мааҭ 163 кВт•сааҭ. 2022 шықәсазы иарбоу аамҭахҵәа инақәыршәаны алашара ахархәара 341,4 млн кВт•сааҭ иартәеит, 69,4 млн кВт•сааҭ рҟынӡа еиҵахеит.
Ешба иажәақәа рыла, амаининг аҿагыларазы иаԥҵаз аоперативтә штаб 18 еилатәара мҩаԥнагеит, 127 зинеилагара азгәаҭан, 1856 маининг-шьақәгылақәа аҿыхын.