АҞӘА, ԥхынгәы 28 - Sputnik. АҶА аусзуҩцәа агидроциклқәа рыла амшын ихылаз ҩыџьа атәылауаа еиқәдырхеит.
"Аӡиа Шәқәырча азааигәара аӡымҽхак аҟны агидроциклқәа рыла амшын ихылаз ҩыџьа атәылауаа ацхыраара рҭаххеит", - азгәаҭоуп адырраҭараҿы.
Ацхыраара зҭаз ауаа амшынеисра иахҟьаны аӡы иагар алшон.
Уи аԥхьа Аԥсны АҶА атәыла ауааԥсыреи асасцәеи амшцәгьаан амшын иҭамларц рабжьыргеит.