АҞӘА, ԥхынгәы 28 - Sputnik. Амузыкатә проект "Apsny-Star" аҩбатәи асезон аҩбатәи аконцерт мҩаԥысит Аҳәынҭфилармониаҿы.
Апроект алахәылацәа Ильда Қәычбериаԥҳаи, Фаиа Мархолиаԥҳаи, Аԥсуа драматә театр актиор, ашоумен Руслан Шьакаиеи уи иԥшәма, Аԥсуа ҳәынҭқарратә капелла адирижиор Софиа Реинберги ркомандақәа иалоуп.
Второй концерт второго сезона "Apsny Star” прошел в Госфилармонии
© Sputnik / Томас Тхайцук
Фаиа Мархолиаԥҳа лкоманда аанлыжьит Елизавета Ершова. Апроект аҟны иаанхеит Елизавета Аммаева, Кристина Кәыбрааԥҳа, Леван Ԥхалаӡе, Сариа Аиԥҳа.
Руслан Шьакаиа икоманда аҟынтәи аицлабра иацырҵоит Инна Коионова, Ерик Ҳаҭхәа, Диана Карбашиан, Нила Наҷҟьебиаԥҳа. Апроект аанлыжьит Иаисиа Сердиук.
Ильда Қәычбериаԥҳа лҵаҩцәа рҟынтәи апроект аҟны иаанхеит Лаура Ҳагԥҳа, Муслим Ларго, Рената Ҳаџьиева, Гәында Абыхәԥҳа. Милена Кәыҵниаԥҳа апроект аанлыжьит.
Аҩбатәи асезон аҿы иҟалоит ԥшь-концертк, урҭ мызкахь знык имҩаԥыслоит рашәарамза инаркны цәыббрамзанӡа. Жьҭаарамза инаркны ԥхынҷкәынмзанӡа ахԥатәи асуперсезон ҟалоит, апроект афинал акәзар, ԥхынҷкәынмзазы иазгәаҭан иҟоуп.