АҞӘА, ԥхынгәы 28 – Sputnik. Атуристтә дәыӷба "Ласточка" жәанызқьтәи апассаџьыр Аԥсныҟа даанагеит.
Уи Москва инхо Алексеи Виноградов иакәхеит. Иара "РЖД-Бонус" абаллқәа изахыԥхьаӡалоуп, уи азы аршаҳаҭгеи аҳамҭақәеи ианаршьеит.
Виноградов иажәақәа рыла, иара адәыӷба "Ласточка" ала дныҟәоит, аха Шәача-Гагра ахырхарҭала раԥхьаӡакәны дааит.
Атуристтә дәыӷба "Ласточка" жәанызқьтәи апассаџьыр Аԥсныҟа даанагеит
© Foto / РУП "Абхазская железная дорога"
"Ласточка" Шәача-Гагра ахырхарҭала аныҟәара иалагеит рашәара 8 рзы.
Есыҽны адәыӷба ныҟәалоит:
Шәачантәи 11:54 сааҭ рзы,
Шәачатәи аҳаирбаӷәазантәи 18:52 сааҭ рзы,
Гагрантәи Шәачаҟа 07:30 сааҭ рзы,
Гагрантәи Шәачатәи аҳаирбаӷәазахь 15:15 сааҭ рзы.
Адәыӷба х-сааҭк амҩа иқәуп.