АҞӘА, ԥхынгәы 31 – Sputnik. Гагратәи аҽырԥшӡарҭақәа руак аҟны закәаншьаҭада акосметологиатә препарат "ботокс" аҭира аԥырҟәҟәауп, абри атәы аанацҳауеит Аҳәынҭқарратә аҳазалхратә маҵзура.
Урыстәыла атәылауаҩ аҽырԥшӡарҭақәа руак аҟны аботокс аҭира лгәы иҭан, апрепарат рбеит лшәыраҿ. Иааизакны 28 цыра лымырхит, иара закәаншьаҭада иааган Аԥсны аҳазалхратә ԥҟарақәа еилаганы.
Административтә зинеилагаразы аматериалқәа зегьы Аҳәынҭқарратә ҳазалхратә еилакы аусҭҵааратәии аусеилыргаратәии ҟәшахьы инашьҭуп.