Аԥсны

Натиа Бахтаӡе лышьразы ашьаус хацыркуп

Апрокуратура хада адыррала, иаанкылоу ауаҩы Бахтаӡе амашьына аҩнуҵҟа дишьит, анаҩс аӡхыҽҽаратә ГЕС аӡеизакырҭа далаижьит.
Sputnik
АҞӘА, нанҳәа 3 – Sputnik. Гал араион апрокуратура Натиа Бахтаӡе лышьразы ашьаус хацнаркит Очамчыра инхо Аинар Ҵәыџьба иганахь ала, ауаҩшьра ҟаиҵеит ҳәа гәҩарас икны. Абри атәы аанацҳауеит Апрокуратура хада.
28-шықәса зхыҵуаз Натиа Бахтаӡе дшьын ԥхынгәы 28 рзы Гал, автомашьына Lexus GX 470 аҩнуҵҟа.
25-шықәса зхыҵуа Ҵәыџьба иҿы иқәшаҳаҭхеит иумҭаз, иҳәеит аӡхыҽҽаратә ГЕС аӡеизакырҭа лыԥсыбаҩ шалаижьыз. Аԥсыбаҩ макьана ирымԥшаац.
Гал араион инхо Натиа Бахтаӡе дшыӡыз азы аинформациа рылаҵәеит ԥхынгәы 28 рзы. Натиа лан аҳәынҭқарра ахада иахь аусеилыргара дацхраарц азыҳәа ҟалҵеит.
Агәымааи Аԥсны ауаҩы изинқәа рзы азинмчра змоу Анас Қьышьмариеи еиԥылеит. Уи илҳәеит азинхьчаратә усбарҭақәа ирымоу рымчи рылшеи рхы иархәаны Натиа Бахтаӡе лыӡра шыҟалаз аус шҭырҵаауа.
Аԥсны
Гал иӡыз аӡӷаб лан иҟоу аҭагылазаашьа аҭыԥантәи ателехәаԥшрала еиҭалҳәеит