АҞӘА, нанҳәа 4 – Sputnik, Асмаҭ Ҵәыџьԥҳа. Аԥсны ахада Аслан Бжьаниа аԥырҩы-космонавт, Урыстәыла Афырхаҵа Олег Артемев дидикылеит.
Атәыла ахада хаҭала Артемев ҭабуп ҳәа иеиҳәеит жәларбжьаратәи акосмостә станциа аборт ахь Аԥсны Аҳәынҭқарра абираҟ ахьнеигаз азы.
"Шәара еснагь ҳара ҳзы - шәсас дахьуп. Ишәымоу ааӡара ҳараки, аиҩызара шеилышәкаауеи ирылҵшәаны ҳбираҟ акосмостә орбитахь инажәгеит. Ақәҿиара дуқәа шәымазааит ԥхьаҟагьы шәус анагӡараҿы", - ҳәа иҳәеит атәыла ахада.
Акосмонавт гәаларшәагатә ҳамҭак аҳасаб ала ианашьан ашәҟәыҩҩы Фазиль Искандер исахьа зну араӡны ԥсар.
Артемев иазгәеиҭеит, изныкымкәа ареспублика дшахаԥраахьоу, Аслан Бжьаниа ҳамҭас ииҭеит МКС ахь аԥсуа бираҟ аннарга амҳәыр аарханы иҭыхыз асахьа.
Олег Артемев – урыстәылатәи акосмонавт-ԥышәаҩ. Бжьынтә иаарту акосмос ахь днеихьеит, зынӡа 53 сааҭ. Акосмос аҿы ихигеит 560 уахи-ҽни, Урыстәыла Афырхаҵа, амҩақәҵаҩ-космонавт-ԥышәаҩ (аҩбатәи акласс), Москватәи аҳәынҭқарратә думы VII ааԥхьара адепутат.