АҞӘА, нанҳәа 5 – Sputnik. Аԥсны Аҳәынҭқарратә шәарҭадаратә маҵзура Аҳәаахьчаратә ҟәша иахьаҵанакуа аҭыԥ аҟны иҟоу арратә техникеи абџьарлеибыҭареи иахәаԥшын. Абри атәы аанацҳауеит аусбарҭа апресс-маҵзура.
Аамҭала амаҵзура аиҳабы инапынҵақәа назыгӡо Ҭемыр Ахьиба игәеиҭеит ахысгатәи аштаттә бџьари, атехникеи, артиллериатә шьақәгылақәеи, аџьаԥҳани злеиҭарго амашьынақәа ргыларҭеи.
Иазгәаҭан, аамҭа ҿыц иақәшәо аҳәынҭқарратә ҳәаақәа рыхьчаразы ишхымԥадатәиу аԥырҩы дызҭам ахархәагақәа, иара убас аҳәаахьчаҩцәа уи ала ишеибыҭоу. Адронқәа рҭахуп хазы игоу аҳәаа ҭыԥқәа рхылаԥшразы, иара убас АШәМ аусзуҩцәа русура аҳәаақәҵаразы.