АҞӘА, нанҳәа 11 - Sputnik. Авҭандил Џьынџьал Аҟәа ахадара аекономикеи атранспорти рдепартамент аиҳабыс даҭоуп ҳәа аанацҳауеит ахадара апресс-маҵзура.
Аӡбамҭа рыдыркылеит маӡалатәи абжьыҭара. Џьынџьал икандидатура еицҿакрыла иадгылеит.
Авҭандил Џьынџьал ашәахтә маҵзура асистемаҿы аус иуан 1994 шықәса раахыс, "Ашәахтә маҵзура абжьгаҩ II акласс" ичын имоуп. 2020 -2022 шықәсқәа рзы Аҟәа ақалақь аҿы агәаҭара амаҵзура аиҳабы иҭыԥ дахагылан, иара убасгьы аус иуан Аҟәа ахадара аекономика адепартамент аиҳабы инапынҵақәа рынагӡаҩыс.