Аԥсны

Иреиҳаӡоу аӡбарҭа ахашшааратә коллегиа Аинар Ҵәыџьба дшаанкылаз дааннажьит

Галтәи араионтә ӡбарҭа аӡбрала Аинар Ҵәыџьба дшаанкылаз дааннажьит 2023 шықәса жьҭаара 2 рҟынӡа.
Sputnik
АҞӘА, нанҳәа 11- Sputnik, Асмаҭ Ҵәыџьԥҳа. Иреиҳаӡоу аӡбарҭа ахашшааратә коллегиа нанҳәа 11 рзтәи аилатәараҟны Натиа Бахтаӡе дишьит ҳәа агәҩара ззыҟоу Аинар Ҵәыџьба дшаанкылаз дааннажьит.
Уаанӡа Ҵәыџьба идукатцәа Марина Ҭаниаԥҳаи Нонна Смырԥҳаи ахашшааратә шшыԥхьыӡ нарышьҭит Галтәи араионтә ӡбарҭа аӡбамҭаз аҳәарагь ҟарҵеит иаанкылоу аҩнтәи арбаандаҩра даҵаркызарц.
Гал араион инхо Натиа Бахтаӡе дшыӡыз азы аинформациа рылаҵәеит ԥхынгәы 28 рзы. Нанҳәа 3 рзы Гал араион апрокуратура Натиа Бахтаӡе лышьразы ашьаус хацнаркит Очамчыра инхо Аинар Ҵәыџьба иганахь ала, ауаҩшьра ҟаиҵеит ҳәа гәҩарас икны.
25-шықәса зхыҵуа Ҵәыџьба иҿы иқәшаҳаҭхеит иумҭаз, иҳәеит аӡхыҽҽаратә ГЕС аӡеизакырҭа лыԥсыбаҩ шалаижьыз. Бахтаӡе лыԥсыбаҩ ԥшаам.