АҞӘА, нанҳәа 12- Sputnik. Украинатәи арежим аҽазнашәеит Ҟрымтәи ацҳа аԥжәара аракета С-200 ала, аха уи ахықәкы анагӡаха амҭақәан иҭархан, аԥхасҭа ҳәа акагьы ҟамлаӡеит ҳәа аанацҳауеит Урыстәыла атәылахьчара аминистрра.
"Нанҳәа 12, москватәи аамҭала асааҭ 13:00 рзеиԥш киевтәи арежим аҽазнашәеит Ҟрымтәи ацҳа аракета С-200 ала аԥжәара. Урыстәылатәи аҳауаҿагыларатә хьчара ахархәагақәа рыла украинатәи аракета ианаамҭаз игәаҭаны ажәҩан аҟны иҭархан", - ҳәа азгәарҭоит аусбарҭаҿы.
Иазааҭгылоуп, "аахеи аԥхасҭеи ҳәа акагь шыҟамлаз".