АҞӘА, нанҳәа 13- Sputnik. Нанҳәа 13, ашьыжь Амшын еиқәа алада-мраҭәашәаратәи ахәҭаҟны иаанкылан Палау абираҟ зхаргыланы украинатәи абаӷәаза Измаил ахь ицоз аидараӷба "Сукра Окан".
Аидараӷба агәаҭаразы иаанкыларц иҟаҵаз адҵа акаԥдан хьаас имкит, уи аҟынтә урыстәылатәи аибашьыгатә ӷба аҟынтәи ахысра иалагеит.
Аидараӷба агәаҭаразы аӷба "Василий Быков" аҟынтәи авертолиот Ка-29 шьҭыԥрааит.
Агәаҭарақәа рышьҭахь аидараӷба абаӷәазахь идәықәлеит.