АҞӘА, нанҳәа 16 – Sputnik. Нанҳәа 10 рзы Риҵа амҩан амашәыр ианиаз урыстәылатәи атуристцәа ахәшәтәырҭа илырҩааит ҳәа аанацҳауеит Агәабзиарахьчара аминистрра.
Аминистрраҿы иазгәарҭеит зегьы иахәҭаз ацхыраара шрыҭаз.
Нанҳәа 10 рзы Бзыԥ-Риҵа амҩаҿы дҭахеит 64-шықәса зхыҵуаз Санкт-Петербургтәи аԥсшьаҩы. Ааха зоуз Гагратәи араионтә хәшәтәырҭахь инаган.
Аҩнуҵҟатәи аусқәа рминистр Роберт Киут нанҳәа 11 рзы ааԥхьара ҟаиҵеит амҩатә ԥҟарақәа ирықәныҟәаларц. Иара иҳәеит жәамш рыҩнуҵҟала амашәырқәа жәаба шыҟалаз, хәҩык шҭахаз, 18-ҩык еиуеиԥшым ахәрақәа шроуз.