АҞӘА, нанҳәа 17– Sputnik. Аурыс-аԥсуа ҳәаа рашәара 1 2023 шықәса инаркы аҩ-ганк рыла иахысхьеит хә-миллионҩык инарзынаԥшуа ауааԥсыреи 800 нызқь машьынеи, убри аан 30 нызқь аекскурсиатә втобусқәоуп ҳәа аанацҳауеит Урыстәыла Афедералтә аҳазалхратә маҵзура.
"Урыстәыла Афедералтә аҳазалхратә маҵзура иазгәанаҭоит, Аԥсни Урыстәылеи рҳәааҿы амашьынақәеи ауааԥсыреи рыбжьысра шырацәахаз. Нанҳәамза ҳаҭалеижьҭеи иахысуа рхыԥхьаӡара бжьынтә еиҳахеит. Уахыки-ҽнаки рыла аҳәаа аҩ-ганк иахысуеит 10 нызқь машьына инареиҳаны", - ҳәа аҳәоит адырраҭараҿы.
Аҳазылхратә усмҩаԥгатәқәа уахгьы-ҽынгьы имҩаԥысуеит. Аҩ-ганкгьы рыҟны 27 машьына цәаҳәа аус руеит. Иара убас, аус руеит аекскурсиатә втобусқәа рзы иназыцҵоу ацәаҳәа.