АҞӘА, нанҳәа 18 – Sputnik. Акультуратә гәыҳалалратә фонд "Ашана" аукцион "аномер ԥшӡақәа" ахԥатәи аетап хацнаркит. Абри атәы аанацҳауеит афонд Telegram-канал аҟны.
Аномерқәа рыҭира иалагоит нанҳәа 21, ашәахьа асааҭ 10:00 рзы, ихыркәшахоит цәыббра 4 рзы.
Еизгахо аԥарақәа зегьы ӷәӷәала ичмазаҩу ахәыҷқәа ацхыраара рзуразы Акультуратә гәыҳалалратә фонд "Ашана" иахыԥхьаӡалахоит.
Аиԥш зеиԥшу аукцион "Ашана" имҩаԥнагеит иҳаҩсыз ашықәс азы, усҟан афонд ахылаԥшра знаҭоу ахәыҷқәа рзы еизган 2,9 милл мааҭ.