АҞӘА, нанҳәа 18 - Sputnik. Гәдоуҭа инхо Вадим Гоцкан абџьари аџьаԥҳани закәаншьаҭада иааихәеит, иҵәахны иман ҳәа даанкылоуп, абри атәы аанацҳауеит Аԥсны АҩАР апресс-маҵзура.
Иаанкыло дахьынхо Ҷанба имҩаҿ игылоу аҩнаҟны аԥшаарақәа мҩаԥган. Гоцкан идбалан 7,62 миллиметр згәыцә ыҟоу Калашников иавтомати 97 патрон зҭаз ахеиқәыршәаҭрақәа фбеи.
Аусҭҵаара мҩаԥысуеит, уи аамҭазы Вадим Гоцкан атәыла дшалымҵуазы ашәҟәы инапы аҵаҩуп.