АҞӘА, нанҳәа 19 – Sputnik. Урыстәыла Аҳауаҿагыларатә мчқәа украинатәи аракета С-200 ҭадырхеит Ҟрым ҳәа аанацҳауеит Урыстәыла Атәылахьчара аминистрра.
Нанҳәа 19 рзы киевтәи арежим аракета С-200 ала Ҟрым аҵакыра иажәларц аҽазышәара мҩаԥнагеит",- аҳәоит адырраҭараҟны.
Урыстәыла Аҳауаҿагыларатә мчқәа аракета карыжьит. Адгьыл аҟны ԥсыҭбареи ԥхасҭеи ыҟам рҳәеит аусбарҭаҟны.
Арратә операциа ҷыда иалагазар УАМ лассы-лассы урыстәылатәи арегионқәа ирылахысуеит, Ҟрымгьы уахь иналаҵаны. Убас нанҳәа 12 рзы украинатәи ар аракетақәа С-200 рыла Ҟрымтәи ацҳа иажәлеит, аракетақәа рыҩбагьы ҭархан.