АҞӘА, нанҳәа 20 - Sputnik. Аԥсны ашколқәа рзы арҵагашәҟәқәа ахԥатәи рпартиа аанашьҭуеит Урыстәыла аҵара аминистрра. Абри атәы аанацҳауеит Аԥсны аҵара аминистрра апресс-маҵзура.
Зынӡа ареспубликахь иааргоит 32748 рҵагашәҟәы:
аурыс бызшәазы,
алитературазы,
алгебразы,
Урыстәыла аҭоурых азы,
азеиԥш ҭоурых азы.
2022 шықәса рзы 160 нызқь рҵагашәҟәы 1-7 аклассқәа ирзаарышьҭит, 34 нызқь цыра - 10-11 аклассқәа.
Уаанӡа Аҵара аминистрра ауаажәларра рымадаразы аҟәша аиҳабы Аслан Қәҭелиа ишиҳәахьаз ала, иахьатәи аамҭазы 80–85 % ашколхәыҷқәа шәҟәыла еиқәыршәоуп. Зынӡа Аԥсныҟа иааргеит 195 мааҭ рыхә арҵагашәҟәқәа, ԥарала урҭ 82 миллион мааҭ рыхә ыҟоуп.