АҞӘА, нанҳәа 20 - Sputnik. Урыстәыла аҳауаҽацәыхьчаратә мчқәа ҵхыбжьон Москва аԥырҩы дызҭам аҳаирплан алалара алдмыршеит ҳәа адырра ҟаиҵеит аҳҭнықалақь ахада Сергеи Собианин и-Telegram-канал аҿы.
"Иаха ҵхыбжьон аԥырҩы дызҭам аҳаирплан Москва аладатәи ахырхарҭала алалара аԥдырҟәҟәааит. Аҳауаҽацәыхьчаратә мчқәа рыбзоурала уи аанкылан. Иҭабуп ҳәа раҳҳәоит уи азы", - ҳәа аниҵеит Собианин.
Атәылахьчара аминистрраҿы иазгәарҭеит аппарат акажьра шрылшаз арадиоелектронтә жәылара ахархәагақәа рыла.
Нанҳәа 18 ауха Москва икарыжьит аԥырҩы дызҭам украинатәи аҳаирплан. Уи аԥҽыхақәа Аекспоцентр араион аҿы икаҳаит, аха ԥхасҭа ҳәа акгьы ҟамлеит иҳәеит Собианин.