АҞӘА, нанҳәа 24 - Sputnik. Аԥсны Агәабзиарахьчара аминистрра Очамчыра араионтә хәышәтәырҭа амыруга ҿыцқәа анаҭеит.
Ҳаамҭазтәи аҿаҳәарҭатә стол шьақәдыргылеит аԥҟарҭатә ҟәша маҷ аҿы. Ахәшәтәырҭа амедусзуҩцәа ирзаархәеит аԥҟагақәеи еиҭаҵуа алампеи.
Аԥҟарҭатә ҟәша аиҳабы Иури Рикәаа еиҭеиҳәеит аҿаҳәарҭатә стол ахәшәтәырҭаҿ иаҭахны ишыҟаз, избанзар уаанӡа уа игылаз 30 шықәса ахыҵуан.
"Мызқәак раԥхьа Очамчыратәи ахәшәтәырҭа анапхгареи аусзуҩцәеи рҭахрақәа ртәы иалацәажәеит. Ахәшәтәырҭа мыругала аиқәыршәараз аплан шьақәҳаргылеит, уи аамҭа-аамҭала инаҳагӡоит. Агәрагара ҳамоуп ҳмедусҳәарҭақәа еиҳа ихадоу рҭахрақәа зегь роуртә иалҳаршап ҳәа" - иҳәеит аминистр Едуард Быҭәба.
Ахшараиурҭатә ҟәша амыругақәа арзҩыдагеи ахәыҷы игәеисра ҭазыҩуа аппарат КТГи аҭоуп.