АҞӘА, нанҳәа 24 - Sputnik. Урыстәылатәи аруаа украинатәи аџьаԥҳанышьҭаҵарҭақәа ԥшьба ԥыржәеит ҳәа аанацҳауеит Атәылахьчара аминистрра.
"Херсонтәи аобласт аиланхарҭа Львово, Харьковтәи аобласт аиланхарҭа Михаиловка, Днепропетровсктәи аобласт аиланхарҭа Искра, ДЖәР аиланхарҭа Красногоровка рҟны Урыстәылатәи аруаа украинатәи аџьаԥҳанышьҭаҵарҭақәа ԥшьба ԥыржәеит", - аанацҳауеит Атәылахьчара аминистрра.
Урыстәылатәи аҳауаҽацәыхьчагатә шьақәгылақәа икарыжьит аԥырҩы дызҭам ахархәагақәа 42.
"Урыстәылатәи аҳауаҽацәыхьчагатә шьақәгылақәа икарыжьит аицҭырҟьаратә система HIMARS ареактивтә хгәыцәқәа ԥшьба, аԥырҩы дызҭам ахархәагақәа 42 ", - аҳәоит адырраҭараҿы. Иара убасгьы иеиқәыԥхьаӡоуп ЛЖәР, ДЖәР, Запорожиатәи, Херсонтәи, Харьковтәи аобластқәа.
Арратә операциа иалагазар, УАМ рцәыӡқәа иреиуоуп: аҳаирпланқәа 462, авертолиотқәа 246, аԥырҩы дызҭам ахархәагақәа 6012, азенит-ракетатә комплексқәа 433, 11476 танки акәылӡымашьынеи, ареактивтә системақәа 1144, артиллериатә шьақәгылақәеи аминаршәгақәеи 6024, 12408 ак автомобилтә техника.