АҞӘА, нанҳәа 26 - Sputnik. Аҟәатәи ақалақьтә ӡбарҭа Урыстәыла атәылауаҩ Александр Педасов 15 шықәса аҭакреи 600 нызқьмааҭ ахараԥсеи иқәнаҵеит. Абри атәы аанацҳауеит Апрокуратура хада апресс-маҵзура.
58 шықәса зхыҵуа Педасов ахара идҵоуп 14,301 грамм аметодон закәаншьаҭада аҵәахреи амҩангареи рзы.
Заанаҵтәи аӡбарҭатә усҭҵаарақәа раан Педасов харас идырҵаз дақәшахаҭхеит, иумҭа дшахьхәыз иҳәеит.