АҞӘА, нанҳәа 27 - Sputnik. Урыстәыла Ашьаусԥшааратә еилакы аҿы аҳәамҭа ҟарҵеит Твертәи аобласт аҿы икаҳаз аҳаирплан аҿы иҭахаз жәаҩык рхаҭарақәа аԥырратә бӷьыц аҿы ианыз рсиа ишақәшәо.
"Твертәи аобласт аҿы икаҳаз аҳаирлпан аҭахара иазкыз ашьаусԥшаара аҳәаақәа ирҭагӡаны ихыркәшоуп амолекула-генетикатә експертиза. Урҭ рылҵшәақәа рыла, иҭахаз жәаҩык рхаҭарақәа шьақәыргылоуп, урҭ аԥырратә бӷьыц аҟны ианыз рсиа иақәшәоит", - ҳәа ануп адырраҭараҿы.
Уаанӡа Росавиациа иакьыԥхьхьан Твертәи аобласт ақыҭа Куженкино аҿы икаҳаз аҳаирплан Embraer-135 иақәтәаз ауаа рсиа: Сергеи Пропустин, Евгении Макариан, Александр Тотмин, Валери Чекалов, Дмитри Уткин, Николаи Матусеев, Евгении Пригожин. Иара убас аҳаирплан аекипаж алахәылацәа хҩык - акомандир Алексеи Левшин, аҩбатәи аԥырҩы Рустам Каримов, абортмҩангаҩ Кристина Распопова.