АҞӘА, нанҳәа 29 - Sputnik. Гагра, Арӡынба имҩаҟны апарк аҵакыраҟны акаҭран ашьҭаҵара хыркәшоуп, абри атәы аанацҳауеит Гагра-ТВ.
Иазгәаҭоуп, зеиԥшла аҵакыра 2370 метр ԥшьыркца шыҟоу.
Гагра араион ахада актәи ихаҭыԥуаҩ Адамыр Ҵышәба иажәақәа рыла, арҭ аусурақәа мҩаԥысуеит Приморск апарк аиҿкааразы иазгәаҭоу арҽеиратә усурақәа аҳәаақәа ирҭыгӡаны.
Ҵышәба иазгәеиҭеит, аусурақәа рынагӡаразы араионтә биуџьет аҟынтәи ишазоужьыз 4 млн 613 н.м.
Иара убас гагратәи асқьалаҟны акаҭран ықәҵоуп. Ахарџьнҵа-7 млн 383 н.м, зеиԥшла аҵакыра- 3200 метр ԥшьыркца.