АҞӘА, нанҳәа 30 – Sputnik. Аекипаж шҭаз Украинатәи аибашьыга катер ӡаарҟәрылоуп адгьылбжьаха Змеиныи ааигәара Амшын еиқәаҿы ҳәа аанацҳауеит Атәылахьчара аминистрра.
"2023 шықәса нанҳәа 30 рзы адгьылбжьаха Змеиныи инацәхыкны аҳаирплан Су-30 аекипаж амшынтә авиациа иатәу украинатәи аибашьыга шхәа аекипажи иареи ӡаадырҟәрылеит", - ҳәа аҳәоит адырраҭараҿы.
Уаанӡатәи адыррақәа рыла, нанҳәа 30 ауха амшынтә авиациа иатәу аҳаирплан аекипаж иҭадырхеит аибашьыга шхәақәа ԥшьба, 50-ҩык рҟынӡа адесант гәыԥ шырҭаз. Ииасыз амчыбжь азы урыстәылатәи аҳаирпланқәа даҽа ҩ-шхәак ҭадырхеит агазҵхырҭашьақәгылақәа ахьгылоуи адгьылбжьаха Змеиныи ааигәареи.