АҞӘА, цәыббра 1 - Sputnik. Аԥснытәи ашколқәа рҟны раԥхьатәи аҵәҵәабжьы геит.
Цәыббра 1 азы Аԥсны иазгәарҭоит Аҵарадырра амш. Ареспублика ашколқәа рҟны ацәаҳәақәгыларақәа мҩаԥысуеит. Ихадоу атема- Аԥсны жәлар Аџьынџьтәылатә еибашьраҿы иргаз Аиааира 30 шықәса ахыҵра ауп.
Аҵараусбарҭа адыррақәа рыла, сынтәа актәи акласс ахь ицеит 2452 ахәыҷқәа. Зынӡа аԥснытәи ашколқәа рҟны аҵара рҵоит 29 нызқьҩык аҵаҩцәа.
Аԥсны 153 школ ыҟоуп, урҭ рахьтә 113 қыҭа школқәоуп, 40- ақалақьтәиқәоуп. 58-аԥсуа школқәа, аурыс-55, аԥсуа-аурыс-16, аерманцәа рышкол 24.