Аԥсны Ахьыԥшымра азхаҵара 15 шықәса ахыҵра инамаданы Донецкҟа аԥсуа еибашьцәа рзы иган ацхыраара, иара убас ашәаҳәаҩцәа ирзеиҿыркааит аконцерт. Аԥсны АҶ рминистр Лев Кәыҵниа иажәақәа рыла, ҳаибашьцәа ари аус агәахәара ду рнаҭеит.
"Аидара аиқәыршәаразы ацхыраара ҟарҵеит абизнес знапы алаку ауаа. "Пятнашка" инаҳгеит аидара, даара еигәырӷьеит. Иргәаԥхеит ашәаҳәаҩцәа. Даргьы гәымшәарыла рхы мҩаԥыргоит", - азгәеиҭеит Кәыҵниа.
Аԥсны АҶ рминистр иҳәеит Донецк аӡазы аҭагылазаашьа шыцәгьоу, иара уи адагьы ақалақь аҿы ишшәарҭоу.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.